Sogn Carli il Grond, imperatur.
pdf: cheu l’entira historia
Ils 28 da schaner: Sogn Carli il Grond, imperatur
Imperatur Carli vegn numnaus il Grond pervia da sias aultas vertids. El ei staus fegl da Pipinus. Carli fuva da pign ensi en tut graus bein qualificaus, perderts, da grond spért buca mo en la filosofia, mobein era enten la divina teologia. Mo surtut ardeva enten el in fiug per defender la sontga Baselgia e derasar la cardientscha catolica. Gia cun quendisch onns ha el priu enta maun las armas e menau uiaras. Da biaras victorias rapportan las battaglias encunter ils pievels pagauns en differentas tiaras. Cheutras ha el humiliau biars persequitaders dalla sontga Baselgia e ragischau ora heresias. Quei fuva sia emprema e principala finamira enten duvrar la forza dallas armas e perquei il num Carli il Grond. Papa Adrianus I. gl‘iemprem ha encorunau e dau ad el sco emprem da quei num il tetel d‘imperatur. Quei sogn monarc fuva generus e marviglius en las sontgas vertids. Quater ga …Daplü