1. Ei exista moderaziun sin Gloria.tv. Tonaton ei mintgin sez responsabels per quei ch'el scriva, Vus per il Vies e jeu per il miu. Vus scrivis anonim, jeu scrivel aviartamein.

2. Il CIC 1917 ei buca pli en vigur. Vies problem ei in auter: Vus pretendis censura per ils auters e sevilenteis cura ch'ella tucca Vus. Quei va buc.

3. Applicar il dretg canonic sin Gloria.tv ei absurd. Gloria.tv ei buca in'ovra dalla baselgia catolica. Haveis buca Vus sez detg ch'igl uestg da Cuera hagi priu las distanzas da Gloria.tv? Gloria.tv ei pia per voluntad ecclesiastica ina pagina libra e independenta producida da laics libers ed independents.

4. Igl ei buca legitim da pretender che las contribuziuns redacziunalas da Gloria.tv disfameschien senza cumprovar quei. Schlioc essas Vus il disfamader.

5. «Grazia» ha ozildi per romontsch connotaziuns peniblas («quei ei ina grazia»). Igl ei forza era uras da calar cun tals tetels ch'ein pauc auter che sufflem ell'aria.

6. Ils discuors «corrects» sur dalla «perla dil di suenter» ein vegni menai da Gloria.tv per longum et latum. Vus prendis quella caussa memia lev. Ina «baselgia» che mazza affons ei medra ch'ils sozialists naziunals. Quei ei la baselgia da satan. Argumentar en tala situaziun cun «correctadad» ei cinism. Haveis Vus nuot auter da dir sur dil scandal dalla «perla d'il di suenter» che quei?
Tenor Vossa maniera da scriver savess ins era dir che Jesus Cristus ei staus sez la cuolpa ch'el ei vegnius crucifigaus.

@Don Reto Nay
Cheu mo cuortamein entginas remarcas
1.)Era il charactar dad in "upload-portal" mass a prau cun ina moderaziun che ins savess forsa era numnar "censura" en quei senn he la Baselgia duvrara p.ex. il plaid el CIC 1917 "censura librorum". Sin in portal che secepascha sco catolics astg'ins tenor miu meini spitgar era conribuziuns catolicas.
Scadin cass duess il can 220 CIC 1983 tenor il qual mintga cartent ha il dretg sin in bien num ("bona fama") valer. Critica sto esser pusseivla denton han ins da setener vid certas reglas. In tetel sco cheu ei secapescha nunpusseivels. Lu aunc tschintschar da "hofliadad e respct" ei veramein beffas.
Il "puccau doriginal" tier gloria.tv -ed ussa discuorrel era dallas contribuziuns redacziunalas- ei ch'ins fa negina differenza pli denter novitad e commentari e drova gia ellas novitads noziuns che cuntegnan gia ina valetaziun ed ein per part gia disfomontas. Quei fan ins denton per part era en autras medias ins banduna denton cun quei tenor mia opiniun ina lavur jiurnalistica da qualitad. Tier las contribuziuns dils utilisaders savess ins essser forsa pli migieivels duess denton era leu buc acceptar tut (criteris fussen dad anflar p.ex el can 212: "cun risguardar il nez public e la dignitad dallas persunas ("attentis communi utilitate et personarum dignitate") .
2.)"Sia Grazia" ei enconuschentamein la titulatura ufficiala-tradiziunala per igl uestg en tiara Romontscha (ozilgi meins duvrada) e scadin cass buca ina beffa.
3.)Tenor miu meini fuss ei stau necessari da menar in discuors correct sur dil praeparat che Vus menziuneis (mira p.ex. ina contribiziun zun interessanta ella FAz avon entgins gis) e gloria.tv vess senz'auter saviu surprender leu ina impurtonta rolla. Cun menar la discussiun denton a moda polemica e disfamonta (p.ex.attacar autoritads eccelesiasticas a moda nuntolerabla Veis denton effectivamein contonschiu il cuntrari e sfurzau las instanzas ecclesiasticas da sedistanziar.

@Landpfarrer: Gloria.tv ei in portal d'upload che vegn creaus da quels che contribueschan ad ella. Igl ei buca gest da Vus d'accusar Gloria.tv per singulas contribuziuns che vegnan publicadas leu da utilisaturs individuals. Romontsch ei in pign lungatg. Perquei vegn mintga publicaziun automaticamein messa sin l'emprema pagina.

Jeu less era far attents Vus che negina pagina electronica accepta attaccas directas encunter ella. Empruei da scriver quei che Vus haveis scret ils 30/03/2014 00:49:25 sin in'autra pagina e mirei tgei che vegn a schabegiar. Paucas paginas ha tonta libertad d'expressiun sco Gloria.tv. Jeu haiel capiu che Vus selamenteis da «censura» e accuseis Gloria.tv el medem mument da buca censurar avunda.

Jeu less era far attents Vus che quel che Vus numneis «Sia Grazia» (ei quei manegiau sco beffa?) ha il dretg da prender publicamein sias distanzas da Gloria.tv (perquei van ni mund ni baselgia sutsu). Sche «Sia Grazia» pren denton buca publicamein sias distanzas dalla «perla dil di suenter» lu ha el ni ella in serius problem. Era clericals ein obligai da setener vid la verdad ed ils diesch condaments.

Jesus Cristus havess en mintga cass buca cuschiu ni defendiu la «perla dil di suenter» (Mt 18,6). Ins sa buca sesmervigliar ch'el dorma ferton che la baselgia sesfundra egl abiss.

Lu ein beinpia il Sogn patrun encunter il mal dalla gula e questa pagina ina solia persuna?
Jeu manegievel en miu commentari che veis stizzau il suandont: Leu vevel criticau Vies commentari in genere ed era criticau che tals commentaris vegnan acceptai sin ina "pagina catolica". Lu vevel en fuorma dad ina damonda -forsa retorica- exprimiu capientscha che Sia Grazia ei sedistanziada dalla pagina.
Il gust da leger silla part romontscha ei plitost pigns damai che la critica sarcastica e mordenta enviers las autoritads ecclsiasticas ei disgustusa e lezza vegn era ad esser il motivs che quella partiziun hagi plitost il character "incestuos".

NUS manegia Gloria.tv e jeu.

Ch'ei dat buca pli biars que treis che scrivan regularmein ei buca nossa cuolpa, mobein il ravugl pign dils catolics romontschs.

Vus para che legis stedi mo partecipeis mai vid la discussiun, savesses era menar en autra direcziun per purtar variaziun.

Jeu savevel buca a tgei vus fagevas allusiun: al comentari da Abramo ni al miu.

@Plaisch
Daco discurris 2 ga el plural: "nossa situaziun", "nossas posiziuns"?
Mond anora da quei ch'ei setracti buca dad in pluralis maiestatis vesel duas pusseivladads: "Jeu e gloria.tv" ni "Jeu e Econe/Menzingen." Ufficialmein denton essas in commember sco tuts senza ina funcziun ufficiala. .
Surtut ella partiziun romontscha haiel l'impressiun che ca. 3 persunas applaudeschan trasora ina all'autra ed auters meinis seigien buca beinvegni.
La permanenta critica mordenta e sarcastica encunter las autoritads ecclesiasticas ella partiziun romontscha (per part aviartamein per part denter las linguas ei strusch supportabla.
Daco era miu commentari "equivox" ? Manegiel che Vus Veis bein capiu sin tgeinins evenements che jeu level far allusiun.

Quella nominaziun senza muntada vegn a midar ensumma nuot.

@Abramo.

@ plevon campester
Daco essas lu insumma cheu sche plai buca nossas posiziuns?

vies commentari era equivox, ins saveva buca sin tgei ch'el serefereva.

Enconuschis vus nossa situaziun? lu silmeins far ina damonda avon que discriminar commentaris.

Ils parasits? La Fraternitad da sogn Pieder?

Ha Huonder buca avunda da far a Cuera? El savess entscheiver cun ina visitaziun el seminari da spirituals ed en sia scola «aulta» da liberaluns.