Pasch,ventira

Atras il mund va in suspir,
igl ei in semper encurir
ruaus e pasch,ventira,
Mo nua ei quella d'anfar,
eis ella cheu ni vi sur mar?
El pli lontan ins mira
e viagiescha di e notg,
adina pli e pli dabot
ventira leu giavina.
Ni cheu ni leu ni vi sur mar
sesanfla in segir englar,
perquei ins va uss sin la glina.

Per cass ch'igl ei leu tut perfetg
han ins segir fatg tut endretg,
ed ins gauda pasch,ventira!
Mo eis lu aunc adina buc cuntens
has si cheu schizun mal ils dents.
enquera lu igl essenzial,
pertgei dat ei mintg'onn Nadal?
Per dar a nus legria eis El vegnius
ed ei schizun per nus s'unfrius,
per dar nus ventira.