Sogn Conrad, uestg e confessur. pdf: cheu l'entira historia / Sogn Conrad, uestg e confessur Ils 26 da november: Sogn Conrad, uestg e confessur Sogn Conrad ei naschius entuorn igl onn 900 sper Constanza …Daplü
Sogn Conrad, uestg e confessur.
pdf: cheu l'entira historia / Sogn Conrad, uestg e confessur
Ils 26 da november: Sogn Conrad, uestg e confessur
Sogn Conrad ei naschius entuorn igl onn 900 sper Constanza. Muort sias enzennas da sontgadad surdattan ils geniturs il buob da siat onns agl uestg da Constanza per schar educar ed instruir. Staus carschius, vegn il giuven Conrad ordinaus augsegner e daventa probst dil collegi da Constanza. Suenter la mort digl uestg avertescha Adalric, uestg d’Augsburg tut il pievel da giginar ed urar duront treis dis per urbir ora da Diu in bien pastur. Sil di determinau per l’elecziun, vegn Conrad unanimamein elegius per uestg da Constanza. Mo ord spira humilitonza ha il sogn pér sin suplicar digl uestg d’Augsburg acceptau tala dignitad. Cun tgei premura e quitau ch’il sogn uestg ha guvernau siu uestgiu, dattan las biaras pervendas, baselgias, casas e spitals perdetga ch’el veva schau ereger per promover la honur da Diu. Plein spargnusadad porta Conrad schizun sez neutier lenna e crappa per baghegiar. Diu regala al sogn che urava savens, aunc la grazia da far miraclas ed il dun dalla profezia. Ils 14 da settember digl onn 948 arriva el a Nossadunaun per consecrar la caplutta da da Nossadunna che sogn Meinrad veva baghegiau. Mo la notg avon, duront siu vegliar, urar e meditar en baselgia, cumpara Jesus Cristus veseivlamein, accumpignaus d’aunghels e gronds sogns dil parvis. Niessegner sez consecrescha la caplutta da Nossadunna. La consecraziun ei succedida cun musica, canzuns ed oraziuns gest en quella fuorma, sco ella vegn aunc ozildi fatga dils uestgs tier ina consecraziun baselgia. Da quella visiun dattan era ils paders dalla claustra che fuvan leu stai presents en oraziun, perdetga. Denton vegn era sogn Adalric cun aunc bia pievel neu da Sviz per assister alla consecraziun. El anfla sogn Conrad schi seprofundaus en oraziun ch’el sto far attents el ch’ei fussi uras da entscheiver cun las sontgas funcziuns. Cheu seperstgisa nies sogn e di che la caplutta seigi gia da Diu sez consecrada. Quei hagi el viu cun ses agens egls. Mo Adalric mira quei buca per miracla e manegia che quei possi esser stau ina fantasia ord spir stauncladad. Staus malsegirs da quels plaids sefa sogn Conrad vid il sevestgir per far la solemna consecraziun. Vulend entscheiver cun las ceremonias, auda el ina vusch giu da tschiel che repetta treis gadas ils plaids: tschessa, tschessa frar: la caplutta ei da Diu sez consecrada. Tuts leu presents che han udiu la vusch, han cartiu quei che sogn Conrad veva giu viu e detg. Per perdetga da quella divina consecraziun ha Cristus squitschau la figura da siu maun dretg en in crap sper la porta dalla caplutta che vegn aunc ozildi bitschaus dils pelegrins. Duront ils onns ch'il sogn ei staus uestg da Constanza, eis el treis gadas pelegrinaus a Gerusalem tier la fossa da Jesus Cristus. Ils 26 da november digl onn 976 ha uestg Conrad astgau passar beadamein vi ella gloria celestiala. Siu tgierp ei staus satraus leu enten la baselgia da sogn Martin ch’el veva sez giu schau baghegiar e circa 100 onns pli tard ein las sontgas restonzas vegnidas translocadas en la catedrala da Constanza. Muort las biaras miraclas daventadas tras sia urbida, eis el igl onn 1120 vegnius canonisaus da papa Calist II.
pdf: cheu l'entira historia / Sogn Conrad, uestg e confessur
Ils 26 da november: Sogn Conrad, uestg e confessur
Sogn Conrad ei naschius entuorn igl onn 900 sper Constanza. Muort sias enzennas da sontgadad surdattan ils geniturs il buob da siat onns agl uestg da Constanza per schar educar ed instruir. Staus carschius, vegn il giuven Conrad ordinaus augsegner e daventa probst dil collegi da Constanza. Suenter la mort digl uestg avertescha Adalric, uestg d’Augsburg tut il pievel da giginar ed urar duront treis dis per urbir ora da Diu in bien pastur. Sil di determinau per l’elecziun, vegn Conrad unanimamein elegius per uestg da Constanza. Mo ord spira humilitonza ha il sogn pér sin suplicar digl uestg d’Augsburg acceptau tala dignitad. Cun tgei premura e quitau ch’il sogn uestg ha guvernau siu uestgiu, dattan las biaras pervendas, baselgias, casas e spitals perdetga ch’el veva schau ereger per promover la honur da Diu. Plein spargnusadad porta Conrad schizun sez neutier lenna e crappa per baghegiar. Diu regala al sogn che urava savens, aunc la grazia da far miraclas ed il dun dalla profezia. Ils 14 da settember digl onn 948 arriva el a Nossadunaun per consecrar la caplutta da da Nossadunna che sogn Meinrad veva baghegiau. Mo la notg avon, duront siu vegliar, urar e meditar en baselgia, cumpara Jesus Cristus veseivlamein, accumpignaus d’aunghels e gronds sogns dil parvis. Niessegner sez consecrescha la caplutta da Nossadunna. La consecraziun ei succedida cun musica, canzuns ed oraziuns gest en quella fuorma, sco ella vegn aunc ozildi fatga dils uestgs tier ina consecraziun baselgia. Da quella visiun dattan era ils paders dalla claustra che fuvan leu stai presents en oraziun, perdetga. Denton vegn era sogn Adalric cun aunc bia pievel neu da Sviz per assister alla consecraziun. El anfla sogn Conrad schi seprofundaus en oraziun ch’el sto far attents el ch’ei fussi uras da entscheiver cun las sontgas funcziuns. Cheu seperstgisa nies sogn e di che la caplutta seigi gia da Diu sez consecrada. Quei hagi el viu cun ses agens egls. Mo Adalric mira quei buca per miracla e manegia che quei possi esser stau ina fantasia ord spir stauncladad. Staus malsegirs da quels plaids sefa sogn Conrad vid il sevestgir per far la solemna consecraziun. Vulend entscheiver cun las ceremonias, auda el ina vusch giu da tschiel che repetta treis gadas ils plaids: tschessa, tschessa frar: la caplutta ei da Diu sez consecrada. Tuts leu presents che han udiu la vusch, han cartiu quei che sogn Conrad veva giu viu e detg. Per perdetga da quella divina consecraziun ha Cristus squitschau la figura da siu maun dretg en in crap sper la porta dalla caplutta che vegn aunc ozildi bitschaus dils pelegrins. Duront ils onns ch'il sogn ei staus uestg da Constanza, eis el treis gadas pelegrinaus a Gerusalem tier la fossa da Jesus Cristus. Ils 26 da november digl onn 976 ha uestg Conrad astgau passar beadamein vi ella gloria celestiala. Siu tgierp ei staus satraus leu enten la baselgia da sogn Martin ch’el veva sez giu schau baghegiar e circa 100 onns pli tard ein las sontgas restonzas vegnidas translocadas en la catedrala da Constanza. Muort las biaras miraclas daventadas tras sia urbida, eis el igl onn 1120 vegnius canonisaus da papa Calist II.