Psalm

Il Segner e siu unschiu

Pertgei fan ils pievels rueida,
pertgei planiseschan naziuns vanadads?

Ils retgs dallas tiaras sesaulzan,
e pussents fan cumplot encunter il Segner e siu retg.

Els dian:"Nus lein scarpar lur cadeinas,
scurlar da nus il cavester!"

Il Signur che avda en tschiel ri
e fa beffas dad els.

El che ha d'antruas plidau cun els plein gretta
e stermentau els cun ravgia ardenta di:

"Jeu mez hai intronisau miu retg
sil Sion,miu cuolm sogn!"

Jeu vi annunziar il decret dil Segner.El ha detg a mi:
"Ti eis miu fegl,oz hai jeu schendrau tei.

Roga sche dun jeu pievels per ierta a ti
ed ils cunfins dalla tiara per posses.

Ti vegns a batter els cun in bastun da fier,
e smardigliar els sco vischala da tiaracotga!"

Ed ussa vus regents,segies prudents!
Seschei avertir,vus derschaders sin tiara!

Survi al Segner cun tema!
Bitschei ses peis cun respect,

Ch'el vegni buca vilaus e vus perdeies buca la via.
Pertgei sia gretta s'envida per pauc.
Beai tuts che sefidan dad el!

Decanat Sursilvan