Sogn Evaristus, papa e marter.
pdf: cheu l'entira historia / Sogn Evaristus, papa e marter
Ils 26 d’october: Sogn Evaristus, papa e marter
Quei sogn ei naschius egl emprem tschentaner en la Grecia. Siu bab fuva in gediu da Betlehem, secasaus en la Grecia. Sco gediu ei Evaristus naturalmein vegnius scolaus ed educaus cun tut quitau tenor la lescha da Moses. Cu e nua el ha giu la ventira da daventar cristian, san ins buca, ed era buca co el ei vegnius a Ruma. Denton igl ei stau la veglia da Diu. Segir eis ei, che Evaristus ei staus member dil clerus roman ed in virtuus e sogn augsegner. Perquei eis el suenter il marteri da papa sogn Clemens I igl onn 97, vegnius consecraus per niev papa. Siu emprem quitau fuva da dismetter las heresias che vegnevan da gliez temps derasadas per Ruma entuorn. Per contonscher quei ha papa Evaristus partiu Ruma en pliras pleivs e provediu quellas cun augsegners. Las pleivs purtavan in num, pertgei lu deva ei aunc buca baselgias publicas per quellas pleivs. …More

Sogn Gion Columbin, confessur.
pdf: cheu l'entira historia / Sogn Gion Columbin, confessur
Ils 24 d’october: Sogn Gion Columbin, confessur
Sogn Gion Columbin ei naschius entuorn igl onn 1300 a Siena. Cu el ei staus carschius, sche ha el retschiert ils emprems uffecis denter ils burgheis e sespusaus cun ina nobla e virtuusa feglia. Sco um da fatschenta entscheiva Gion tec a tec a raffar rauba e daners. Tras quei croda el els latschs dil demuni e sefa beispert malgests en nunlubidas fatschentas. Mo las vias dil Diu misericordeivel ein zuppadas. In di spitgond sil gentar, porscha sia dunna al mariu il cudisch dils sogns per lectura. Nuidis mo tuttina dat el ina egliada lien e quei casualmein sur dad ina scandalusa pucconta che fuva seconvertida e fatg penetienzia. Quella lectura muenta siu cor ch’el daventa gest en quei mument tut in auter um. Tuccaus dalla grazia divina, lai Gion Columbin tuts quitaus mundans d’ina vart e va savens en baselgia e tiels sogns Sacraments. Sper giginas e …More

Sogn Justin, marter.
pdf: cheu l'entira historia / Sogn Justin, marter
Ils 20 d’october: Sogn Justin, marter
Sogn Justin ei naschius en Frontscha ord buna famiglia catolica. Gia da pign suandava el ils buns exempels da ses geniturs e cun 9 onns ha Diu favorisau il buobet cun specialas grazias e revelaziuns. Tras ina revelaziun sa il bab aschia era spindrar siu fegl vegl ord la sclaveria. Justin cumpogna il bab. Sin via entaupan els in pauper rugadur nius che rugava per almosna. Il bab porscha zatgei vivonda. Justin denton ei buca cuntents mo cun quei e regala al pauper sia giacca. Al bab che marmugna da tala almosna, declara Justin ils gronds merets e citescha la Sontga Scartira che di: quei ch’ins fa ad in pauper per amur da Diu, retscheiva Cristus sez. Plaunet arrivan els tiel flum Isaar, mo anflan ni punt ni barca per traversar quell’aua. Justin consolescha il bab, sefida dalla providientscha divina e di cun spért profetic: Ei vegn prest a vegnir in barcarol speras vi che meina nus …More

Sogn Pieder Alcantara, confessur.
Cheu il video dil sogn /
Ils 19 d’october: Sogn Pieder Alcantara, confessur
Il sogn confessur ei naschius igl onn 1499 ad Alcantara sper Lissabon e perquei siu surnum. Bein educaus da ses buns geniturs era Pieder gia d‘affon fetg enclinaus da far oraziun ed adina vuleva el dir paternos a casa ed en baselgia. Aschia carscheva el buca mo els onns, mobein era en las vertids ed en ses studis. Per daventar in premurau suandonter da Cristus, entra il giuven da 16 onns egl uorden da sogn Franzestg a Maniavez. El cuort temps dil noviziat fageva el cun spért e tafradad smarvigliar tut ils paders. Ses egls ein mai stai drizzai sin persunas ni caussas e perquei enconuscheva el ses confrars sulettamein vid la vusch e suandava els era mo suenter il tun dils pass. Suenter siu profess sto Pieder midar claustra. Cun lubientscha da siu superiur astga el baghegiar en iert ina cella mo per el per saver menar ina veta schi penitenta e strentga sco pusseivel. Cheu senutrescha …More

Sontga Hedvica, vieua.
pdf: cheu l'entira historia /
Ils 17 d’october: Sontga Hedvica, vieua
Quella sontga ei naschida igl onn 1174 en Baviera sco feglia da duca Bertold IV.
Hedvica veva aunc siat fargliuns. Cun 12 onns ha il bab spusau la feglia Hedvica cun duca Hendri I dalla Schlesia. Ord quella virtuusa lètg ein treis feglias e treis fegls naschi. Quels ha la sontga mumma educau en gronda pietad. Lu han Hedvica e siu mariu fatg il vut da perpetna castiadad ed els ein vivi sco frar e sora entochen la mort. Scaldada dalla carezia divina, baghegia Hedvica ussa a Trebniza ina claustra da muniessas Cisterciensas per sustener vieuas. Ina da sias feglias ha suandau la mumma e daventada abadessa da quella claustra. Cheu educavan las muniessas era feglias bandunadas e senza geniturs. Hedvica pota era il habit, denton il profess metta ella buca giu, per saver restar leu sco survienta. Ella fuva in ver spieghel da sontgadad, visitava malsauns, gidava orfans e vieuas e praticava aunc biaras …More

Sogn Giachen, confessur.
pdf: cheu l'entira historia / Sogn Giachen, confessur
Ils 12 d’october: Sogn Giachen, confessur
Sogn Giachen ch‘ei naschius ad Ulm vegn tras quei era numnaus Giachen il Tudestg. Siu bab ei staus per el da pign ensi in bien exempel. Giachen prefereva il visitar baselgias, ils sogns Sacraments, urar e tedlar il plaid da Diu e fugir il puccau. Cun la benedicziun dil bab va il giuven da 25 onns a Ruma. Suenter haver visitau las baselgias, entra el a Neapel en survetsch d‘uiara. Per tema ch’el vegni surmenaus da ses paucs buns camerats, dat el si las armas e va a Capua en survetsch tier in cavalier. Entgins onns pli tard trai Giachen en la vestgadira ch’el veva priu da casa e fui discusamein da notg tochen a Bologna cun l’intenziun da puder da leu en sia patria. Cun visitar claustras e baselgias vegn il bien um tuccaus dil maun da Diu ch’el emblida patria ed ils da casa ed entra tiels dominicans en claustra. Cun ses 34 onns vul Giachen denton restar leu mo sco fra …More

Sogn Dionisi e ses cumpogns, marters.
pdf: cheu l'entira historia /
Ils 9 d’october: Sogn Dionisi e ses cumpogns, marters
Sogn Dionisi Areopagita ei naschius ad Athena paucs dis suenter la naschientscha da Cristus. Quei perdert e sabi um ei sescolaus perfetgamein en filosofia ed astrologia e daventaus in dils emprems guvernaturs dil marcau. Sogn Dionisi seteneva si ell’ Egipta, cura che Jesus ei vegnius cruzifigaus. E leu vesa el la stermentusa stgirentada dil sulegl che veva cuzzau treis uras. El mira quella per enzatgei surnatural. El tuorna puspei en sia patria e daventa emprem derschader denter ils 12 derschaders dil tribunal grec d‘Aeropag. Denton arriva igl apiestel sogn Paul ad Athena ed entscheiva a perdegar il sogn evangeli en sinagogas e sin plazzas. La ductrina sur dalla sontga Trinitad, dalla incarnaziun, dalla passiun e levada dil fegl da Diu, gest quei ha il pievel pagaun buca vuliu capir. Perquei meinan els il sogn apiestel tiel tribunal, nua che Dionisi truava sco emprem …More

Sontga Brida, vieua.
pdf: cheu l'entira historia / Sontga Brida, vieua
Ils 8 d’october: Sontga Brida, vieua
Brida duess aunc avon che esser naschida haver spindrau sia mumma dad in naufragi sin la mar. Pertgei la notg suenter il stemprau ha in signur detg alla mumma: Diu ha preservau tei dil prighel entras la feglia che ti portas el best che ha dad esser ina gronda sontga. Quella feglia ei naschida igl onn 1302. Brida saveva cun treis onns aunc plidar buc in plaid ed ils geniturs temevan ch’ella resti méta. Mo tut anetg eis ei stau cheu ch‘ella tschontscha sco ina gronda. Cuort sisu miera la mumma ed il bab surdat la pintga ad in'onda da trer si. Cun 7 onns vesa la buoba ina notg Nossadunna sclarida d’ina gronda clarezia e cun ina preziusa cruna enta maun schend: Brida, vul ti quella cruna? Lezza rispunda gie e sestenda per prender quella. Maria tschenta la cruna sin tgau e stulescha. Brida elegia ussa Maria per sia cara mumma e tegn quei grond scazi en siu cor. In di che la giuvna …More

Sogn Wenceslaus, retg e marter.
pdf: cheu l'entira historia / gloria.tv/.../YCib7MAMHH
Ils 28 da settember: Sogn Wenceslaus, retg e marter
Sogn Wenceslaus, naschius entuorn igl onn 904, ei staus fegl dil retg Uratislaus dalla Boemia. Quei retg fuva in bien catolic e la mumma pagauna ed inimitga dils cristians. Il bab ei morts che Wenceslaus fuva aunc affon. La tatta Ludmilla pren il buobet tier ella e procura per in bien mussader. Siu frar Boleslaus denton stat tier la mumma che regeva la Boemia. Tras quei ein omisdus buobs vegni educai differentamein: Wenceslaus en la ductrina catolica e Boleslaus en la religiun pagauna. La mumma e Boleslaus odiavan il cristianissem ed han schau serrar las baselgias e scumandau als augsegners da perdegar e dar ductrina. Vesend igl imperatur las confusiuns dalla Boemia, ha el surdau il guvern dil reginavel a duca Wenceslaus. Sin quei seretrai la mumma cun siu fegl en las provinzias che Boleslaus veva artau dil bab. Wenceslaus dismetta tuts decrets encunter …More

Sogn Cosmas e sogn Damian, marters.
pdf: cheu l'entira historia / Sogn Cosmas e sogn Damian, marters
Ils 27 da settember: Sogn Cosmas e sogn Damian, marters
Quels dus frars schumellins ein naschi el tierz tschentaner el marcau da Egea en Arabia bassa. Els piardan lur bab gia da pign. La pietusa mumma Teodora educhescha ses buobs en las vertids ed en la tema da Diu. Ils dus giuvens studegian lu la medischina e daventan miedis. Damai ch’els desideravan da trer ils pagauns tier Cristus, porscha lur clamada buna caschun leutier. Ils dus excellents miedis pon cugl agid da Diu medegar malsauns ch’ins teneva per nuncurabels.Tut daventa per amur dil Segner e buca per daventar rehs. Lur principala medischina ei adina ina cuorta profunda oraziun. Cun l’enzenna dalla sontga crusch sur dil malsaun schavan las dolurs suenter e las febras tschessavan. Sin quella moda han Cosmas e Damian medegau tschocs, suords, schirai, malspirtai ed auters buca mo da tgierp, mobein era dall’olma. Suenter in temps …More

Sogn Tumaisch da Vilanova, uestg e confessur.
pdf: cheu l'entira historia / Sogn Tumaisch da Vilanova, uestg e confessur
Ils 25 da settember: Sogn Tumaisch da Vilanova, uestg e confessur
Sogn Tumaisch ei naschius en Spagna igl onn 1488. Ses geniturs ein stai nobels e rehs, denton virtuus e da gronda carezia enviers tuts basignus. Era lur fegl Tumaisch mussava gia da pop particulara pietad visavi paupra glieud. Meinsvart turnava el a casa senza caltscheuls ni senza calzers, pertgei quels veva el dau a paupers affons. Era ha il giuvenot beinsavens rugau il bab d’esser buntadeivels cun ses debiturs paupers che savevan buca pagar lur deivets. Siu sedepurtar e plidar era adina mudests, sincers e da cor. Sia emprema ductrina dada dalla mumma ei stada da saver pronunziar ils sogns nums Jesus e Maria. Aschia ei Tumaisch daventaus in grond veneratur da Nossadunna ed ins numnava el fegl da Maria. Suenter la scola bassa frequenta il talentau giuven l’universitad e daventa docter e professer dalla …More

Sontga Tecla, purschala e martra.
pdf: cheu l'entira historia / Sontga Tecla, purschala e martra
Ils 23 da settember: Sontga Tecla, purschala e martra
La biala e nobla giuvna Tecla deriva da Iconio en Cilicia. Ella ei pagauna e ses geniturs empermettan ella ad in niebel giuven dil marcau. Entuorn igl onn 45 arriva sogn Paul neu da Antiochia e setegn si leu en casa d’in virtuus um. En quella seradunavan persunas che levan tedlar la ductrina da sogn Paul. Era Tecla vul ussa veser e tedlar il niev predicatur. En pign mument eis ella perschuadida che la cardientscha da Cristus ei la vera ed ella daventa gest ussa cristiana. Tecla selai instruir els misteris dalla cardientscha catolica e vul saver nuot dil spus. Ella veva 18 onns, cura ch’ella ha unfriu siu purschaladi a Cristus e quel ha ella salvau entochen la mort. Pervia da dispetas denter Hebrès e pagauns vegn sogn Paul mess en perschun. Tecla vess bugen visitau sogn Paul e purtau ad el il necessari, mo la guardia dat scamond. Cheu …More

Sogn Eustachi, sia dunna Teopista e dus fegls, marters.
pdf: cheu l'entira historia / Sogn Eustachi, sia dunna Teopista e dus fegls, marters
Ils 20 da settember: Sogn Eustachi, sia dunna Teopista e dus fegls, marters
Sogn Eustachi ei staus in dils emprems capitanis dall’armada imperiala. Sia pli gronda pissiun era la catscha. In di seferma tut anetg in tschierv avon el cun in cruzifix denter la corna che plaida: Pertgei persequiteschas ti mei? Eustachi semetta en schanuglias e damonda: Tgi eis ti che plaidas tier mei? Il cruzifix rispunda: Jeu sun Cristus, il fegl da Diu, morts per tei vid questa crusch e che garegia da salvar tei. Retscheiva il sogn Batten cun tut tia famiglia e suonda mei cun purtar cun pazienzia las travaglias che vegnan sur da tei tut il temps da tia veta. Eustachi tuorna el marcau tier sia dunna e raquenta il fatg passau. Ella enconuscha la veglia da Diu ed omisdus sevolvan cun lur fegls tier in augsegner per retscheiver il sogn Batten. Cristus tuorna puspei tier …More

Sogn Giusep da Copertino, confessur.
pdf: cheu l'entira historia / Sogn Giusep da Copertino, confessur
Ils 18 da settember: Sogn Giusep da Copertino, confessur
Giusep ei naschius igl onn 1603 a Copertino egl uestgiu da Neapel. Siu bab veva tons deivets ch’ils ministers dalla giustia ein vegni per stumar ora la casa. Per buca stuer mirar tier quei, ei la mumma che fuva purtonta fugida en in nuegl e gest leu parturiu il pauper Giusep. Ses giuvens onns ha el varghentau innocentamein cun star en baselgia, urar il sogn Rusari, cantar litanias ed embellir ils altars. Gia cun 8 onns vegneva el tschaffaus da caussas celestiaslas ch’el steva tut retratgs cun bucca aviarta ed egls fixai encunter tschiel. Cun 17 onns ha il sogn giuven retschiert il habit dils caputschins. Suenter ils 9 meins da noviziat eis el vegnius relaschaus ord claustra, pertgei el fuva semper culs patratgs naven dallas caussas. Giusep ha adina sperau ed el anfla suenter ditg spluntar ureglia tiels paders dalla Grotella. Quei …More

Sogn Luregn Giustinian, uestg e confessur.
pdf: cheu l'entira historia / Sogn Luregn Giustinian, uestg e confessur
Ils 5 da settember: Sogn Luregn Giustinian, uestg e confessur
Sogn Luregn Giustinian, naschius igl emprem da fenadur 1381 a Veniescha, ei gia da pign ensi staus virtuus e spirtus sco in carschiu. Gia fetg giuvens piarda el il bab. Il quitau dalla mumma meina lu il giuvenet tier grondas vertids, aschia che Luregn daventa in grond survient da Diu. Cun 19 onns retscheiva el ina visiun en fuorma d’ina dunschala che di ch’el dueigi buca encurir pasch denter las vanadads dil mund. Ella seigi la divina sabientscha e vegli metter en ses mauns la vera pasch, sch’el vegni a prender ella per spusa. Consolaus da tala visiun, pren il sogn giuven la resoluziun da suandar igl exempel da Jesus Cristus, il cruzifigau. Plein attenziun patratga el suenter las caussas mundanas, quellas dil stan dils religius e tut quei che tucca da far leutier. Suenter quella examinaziun e cumparegliaziun …More

Sontga Columba, purschala e martira.
pdf: cheu l'entira historia / Sontga Columba, purschala e martira
Ils 15 da settember: Sontga Columba, purschala e martira
Sontga Columba ei naschida en Spagna dil temps ch’ils Tercs cumandavan sur dalla gronda part da quella tiara. Gia da pign ensi meina ella ina veta innocenta, devoziusa e virtuusa. Il bab ei morts che Columba fuva aunc ina giuvnetta. Pleina da pietad e carezia divina sbetta ella il mund e desiderescha da prender Jesus per spus. Columba viseta ussa savens sia sora Elisabeta che fuva maridada e viveva cun siu mariu en sontga convivenza. Els ein vegni perina da bandunar tut mundan e seretrer a Tabana en la muntogna. Leu baghegian els duas pintgas claustras, ina per umens ed ina per dunnas. Elisabeta surpren il quitau dalla claustra per dunnas. Era Columba fuss bugen stada ina dallas empremas che vess suandau igl exempel da sia sora, sche la mumma vess buca impediu ei. Perquei stat ella en obedientscha en quei mund sbittau aschi ditg …More

Sogn Felici e sontga Regula, marters.
pdf: cheu l'entira historia / Sogn Felici e sontga Regula, marters
Ils 11 da settember: Sogn Felici e sontga Regula, marters
Els dus fuvan fargliuns ed eran vegni culs 6666 legiunaris che sogn Murezi menava sco capitani neu da Tebea tras l’Italia vi a Martenac el Valeis. Sin camond digl imperatur Maximian duevan tuts far leu in sacrifeci als dieus digl imperi per urbir ora victoria encunter ils rebels franzos. Sogn Murezi cun sia schuldada renviescha quei, pertgei el e siu regiment eran cristians ed aduravan sulettamein il ver Diu. Perquei dat Maximian il camond da mazzar tut quels che sneghien il sacrifeci a lur dieus. Bein biars dils legiunaris da Tebea prendan la fuigia e metschan per quella ga. Aschia era Felici, sia sora Regula ed in vegl survient. Els treis metschan suls cuolms vi a Glaruna. Per liung temps setegnan ils sogns si en ina grotta e perdegian da leu anora il sogn evangeli. Per purtar la cardientscha catolica aunc pli lunsch sur …More

Sogn Magnus, avat e confessur.
pdf: cheu l'entira historia / Sogn Magnus, avat e confessur
Ils 6 da settember: Sogn Magnus, avat e confessur
Sogn Magnus ei vegnius sur mar neu en Frontscha. El ei lu daventaus pader e discipel da sogn Columban e sogn Gagl. Sco quei ch’el purtava il num Magnus che vul dir gronds, aschia fageva el era grondas ovras. Entras quellas vegneva sia sontgadad bein enconuschenta. Suenter in temps ha sogn Columban mess el sco guvernatur dil tschalèr claustral. Ensemen cun sogn Columban, sogn Gagl ed auters ei Magnus arrivaus a Bregenza. Cun perdegar ha el convertiu biars e confirmau la verdad digl evangeli cun miraclas. Ord spira scuidonza han ils pagauns suenter in temps entschiet a persequitar ils survients da Diu taluisa che sogn Columban ei ius a Bobio ell’Italia. Magnus denton ei restaus cun sogn Gagl entuorn 10 onns ella cuntrada d’Arbon. Suenter la mort da sogn Gagl ha sogn Magnus bandunau igl eremitadi da sogn Gagl e seretratgs cun pader Theodor encunter …More

Sontga Rosalia, purschala e las sontgas Eufemia, Dorothea, Tecla ed Erasma, martras e purschalas.
pdf: cheu l'entira historia / Sontga Rosalia, purschala, sontga Eufemia, sontga Dorothea, sontga Tecla e sontga Erasma, martras e
Ils 4 da settember: Sontga Rosalia, purschala e las sontgas Eufemia, Dorothea, Tecla ed Erasma, martras e purschalas
Sontga Rosalia ei naschida entuorn igl onn 1100 a Palermo. Gia fetg giuvna banduna ella il mund e serenda sco eremita en ina tauna damaneivel da Palermo. Ils bustabs screts el grep dattan aunc oz perdetga da quei. En quella tauna steva Rosalia di e notg zuppada per viver sulettamein cun Diu. Ina veta schi retratga, sontga e marvigliusa displascheva al demuni. Pliras ga ha quel empruau da tementar ed unfisar giu la sontga. Mo Rosalia enconuscha spert quels rampins diabolics. Suenter liung temps eis ella vegnida inspida da bandunar quella tauna ed ir en in’autra sil cuolm Monte Pelegrino, damaneivel da Palermo. Diu ha vuliu che Rosalia vegni tier …More

La scavazzada da sogn Gion Battesta.
pdf: cheu l'entira historia / La scavazzada da sogn Gion Battesta
Ils 29 d’uost: La scavazzada da sogn Gion Battesta
Sogn Gion Battesta il mess da Cristus e predicatur dalla penetienzia ei gia da pign entraus el desiert e viviu leu entuorn 25 onns en rigurusa penetienzia. El purtava ina rassa ord peil camel ed ina tschenta da curom entuorn veta. Da saleps e mèl selvadi eis el senutrius entochen ch’el ha giu contonschiu la vegliadetgna da 29 onns. Lu vegn el avisaus dil sogn Spért dad ir a perdegar la penetienzia, sinaquei ch’il pievel prepari la via dil Segner e Salvader dil mund. Envidaus da ton ardiment e vestgius cun pial camel ed a pei blut, vegn el ord il desiert alla riva dil flum Jordan. Cun aulta vusch ed inflamaus dalla carezia, entscheiva el a perdegar: Fagei penetienzia, pertgei il reginavel da tschiel ei damaneivel! El camonda da dar si puccaus e vezis, da far penetienzia e da preparar la via dil Segner. Pertgei quel che prendi naven ils …More