Sogn Anacletus e sogn Marcellinus, papas e marters. pdf: cheu l'entira historia Sogn Anacletus e sogn Marcellinus, papas e marters Ils 26 d’avrel: Sogn Anacletus e sogn Marcellinus, papas e marters …Daplü
Sogn Anacletus e sogn Marcellinus, papas e marters.
pdf: cheu l'entira historia
Sogn Anacletus e sogn Marcellinus, papas e marters
Ils 26 d’avrel: Sogn Anacletus e sogn Marcellinus, papas e marters
Sogn Anacletus, ei sco convertit vegnius battegiaus digl apiestel sogn Pieder. Sco giuvnal d’in schi grond meister, eis el staus a tuts spirituals in ver spieghel da pietad. Muort la gronda sabientscha e las bunas vertids ha sogn Pieder consecrau el uestg per esser bien pastur dils convertits en ed ord Ruma. Sogn Pieder ei denton morts e sogn Linus daventa papa. Suenter la mort da sogn Linus entuorn igl onn 79 ei uestg Anacletus daventaus secund successur da sogn Pieder e quei en in temps da grondas persecuziuns entras igl imperatur Domizian. Quel leva esser il pli grond dil mund ed aunc vegnir aduraus per in diu. Sogn Anacletus protestava e perdegava che mo il Scaffider dil tschiel e dalla tiara astgi vegnir aduraus per sulet ver Diu. Sin quei ha Domizian persequitau pli che mai ils cristifideivels ed era schau metter papa Anacletus en perschun. Il desideri d’astgar endirar per amur dil ver Diu fageva smarvigliar ils ministers. Per buca piarder temps cun mo stermentar il sogn, ha il tiran immediat pretendiu il tgau da papa Anacletus. Quei ei daventau ils 26 d’avrel entuorn ils anno 90, suenter ch’el veva giu regiu la sontga Baselgia duront 12 onns. Il sogn tgierp ei lu vegnius satraus el Vatican sper quel da sogn Pieder e sogn Linus. Anacletus ei staus igl emprem papa che metteva sisum sias brevs il salid e la benedicziun apostolica culs plaids: Salutem et apostolicam benedictionem!, ina fuorma che vegn aunc oz dada dils papas. Ensemen cun sogn Anacletus venerescha la Baselgia oz era il sogn papa Marcellinus. Sco virtuus pastur dallas olmas fuva el fetg stimaus dil clerus Roman. Suenter la mort da papa Cajus ei Marcellinus daventaus siu successur e quei gest el temps ch’ils imperaturs Dioclezian e Maximian vevan concludiu da metter a tiara la sontga Baselgia e ragischar ora tuts cristians. La persecuziun dils cristians carscheva e fuva schi furiusa ch’ei vegneva mintgadi marterisau da quei da 15‘000 cartents. Vitgs e marcaus dils cristians vegnevan arsentai cun glieud e tut, senza perdun e remischun. Sogn Marcellinus consolava e confortava ils cartents, per ch’els stettien statteivels a lur vera cardientscha. Da notg rimnava el ils corps dils marterisai e satrava quels cun tutta honur. In di ha sogn Marcellinus gagliardamein turzegiau igl imperatur pervia da sia persecuziun. Vilaus da quella renfatscha, lai Dioclezian bastunar il sogn papa sgarscheivlamein e lu serrar el en perschun. Mezs morts vegn el lu menaus el tempel dil diu Jupiter. Ord spira fleivlezia humana e tut tementaus, ha el en sia aulta vegliadetgna unfriu dus garnetschs entscheins a quei fauls diu. Cun quei ha il papa naturalmein cumbrigiau ils cartents e legrau ils pagauns. Sventiraus trai el en in ruh cilizi, springia siu tgau cun tschendra e va a Sassa, nua che 180 uestgs fuvan seradunai tier ina sinoda. En schanuglias avon quels confessa el cun gronda ricla siu falliment e roga tuts per perdun. Cheu survegn el quella risposta: Seigies ti il tiu derschader, pertgei ei tucca a ti da mirar co ti vul reparar quei scandel che ti has dau. Sin quei va il sogn a Ruma, sepresenta avon Dioclezian, turzegia el perquei chel hagi fatg commetter el in grond falliment encunter la sontga Baselgia. Dioclezian tut vilaus fa gest leu scavazzar sogn Marcellinus e cun el aunc treis auters cartents. Quei ei daventau ils 26 d’avrel digl onn 304. Ils corps da quels sogns marters ein restai in meins sin la plazza da mazzament senza fossa, perquei ch’igl imperatur veva surdau quels per vivonda als animals selvadis. Mo sogn Pieder ei cheu cumparius al spiritual Marcellus e cumandau da dar ina honoreivla sepultura als sogns marters. Ensemen cun il clerus ein ils sogns corps vegni satrai el santeri da Priscilla. Ed ussa ei il sogn spiritual Marcellus daventaus papa.
pdf: cheu l'entira historia
Sogn Anacletus e sogn Marcellinus, papas e marters
Ils 26 d’avrel: Sogn Anacletus e sogn Marcellinus, papas e marters
Sogn Anacletus, ei sco convertit vegnius battegiaus digl apiestel sogn Pieder. Sco giuvnal d’in schi grond meister, eis el staus a tuts spirituals in ver spieghel da pietad. Muort la gronda sabientscha e las bunas vertids ha sogn Pieder consecrau el uestg per esser bien pastur dils convertits en ed ord Ruma. Sogn Pieder ei denton morts e sogn Linus daventa papa. Suenter la mort da sogn Linus entuorn igl onn 79 ei uestg Anacletus daventaus secund successur da sogn Pieder e quei en in temps da grondas persecuziuns entras igl imperatur Domizian. Quel leva esser il pli grond dil mund ed aunc vegnir aduraus per in diu. Sogn Anacletus protestava e perdegava che mo il Scaffider dil tschiel e dalla tiara astgi vegnir aduraus per sulet ver Diu. Sin quei ha Domizian persequitau pli che mai ils cristifideivels ed era schau metter papa Anacletus en perschun. Il desideri d’astgar endirar per amur dil ver Diu fageva smarvigliar ils ministers. Per buca piarder temps cun mo stermentar il sogn, ha il tiran immediat pretendiu il tgau da papa Anacletus. Quei ei daventau ils 26 d’avrel entuorn ils anno 90, suenter ch’el veva giu regiu la sontga Baselgia duront 12 onns. Il sogn tgierp ei lu vegnius satraus el Vatican sper quel da sogn Pieder e sogn Linus. Anacletus ei staus igl emprem papa che metteva sisum sias brevs il salid e la benedicziun apostolica culs plaids: Salutem et apostolicam benedictionem!, ina fuorma che vegn aunc oz dada dils papas. Ensemen cun sogn Anacletus venerescha la Baselgia oz era il sogn papa Marcellinus. Sco virtuus pastur dallas olmas fuva el fetg stimaus dil clerus Roman. Suenter la mort da papa Cajus ei Marcellinus daventaus siu successur e quei gest el temps ch’ils imperaturs Dioclezian e Maximian vevan concludiu da metter a tiara la sontga Baselgia e ragischar ora tuts cristians. La persecuziun dils cristians carscheva e fuva schi furiusa ch’ei vegneva mintgadi marterisau da quei da 15‘000 cartents. Vitgs e marcaus dils cristians vegnevan arsentai cun glieud e tut, senza perdun e remischun. Sogn Marcellinus consolava e confortava ils cartents, per ch’els stettien statteivels a lur vera cardientscha. Da notg rimnava el ils corps dils marterisai e satrava quels cun tutta honur. In di ha sogn Marcellinus gagliardamein turzegiau igl imperatur pervia da sia persecuziun. Vilaus da quella renfatscha, lai Dioclezian bastunar il sogn papa sgarscheivlamein e lu serrar el en perschun. Mezs morts vegn el lu menaus el tempel dil diu Jupiter. Ord spira fleivlezia humana e tut tementaus, ha el en sia aulta vegliadetgna unfriu dus garnetschs entscheins a quei fauls diu. Cun quei ha il papa naturalmein cumbrigiau ils cartents e legrau ils pagauns. Sventiraus trai el en in ruh cilizi, springia siu tgau cun tschendra e va a Sassa, nua che 180 uestgs fuvan seradunai tier ina sinoda. En schanuglias avon quels confessa el cun gronda ricla siu falliment e roga tuts per perdun. Cheu survegn el quella risposta: Seigies ti il tiu derschader, pertgei ei tucca a ti da mirar co ti vul reparar quei scandel che ti has dau. Sin quei va il sogn a Ruma, sepresenta avon Dioclezian, turzegia el perquei chel hagi fatg commetter el in grond falliment encunter la sontga Baselgia. Dioclezian tut vilaus fa gest leu scavazzar sogn Marcellinus e cun el aunc treis auters cartents. Quei ei daventau ils 26 d’avrel digl onn 304. Ils corps da quels sogns marters ein restai in meins sin la plazza da mazzament senza fossa, perquei ch’igl imperatur veva surdau quels per vivonda als animals selvadis. Mo sogn Pieder ei cheu cumparius al spiritual Marcellus e cumandau da dar ina honoreivla sepultura als sogns marters. Ensemen cun il clerus ein ils sogns corps vegni satrai el santeri da Priscilla. Ed ussa ei il sogn spiritual Marcellus daventaus papa.