Sogn Isidor, uestg e confessur. pdf: cheu l’entira historia Ils 4 d’avrel: Sogn Isidor, uestg e confessur Sogn Isidor ei staus ina gronda glisch per l’entira Spagna. El fuva naschius ord nobla e …Daplü
Sogn Isidor, uestg e confessur.
pdf: cheu l’entira historia
Ils 4 d’avrel: Sogn Isidor, uestg e confessur
Sogn Isidor ei staus ina gronda glisch per l’entira Spagna. El fuva naschius ord nobla e pietusa famiglia entuorn igl onn 560 a Cartagena. Sogn Leander, arzuestg da Sevigla e sogn Fulgenz, uestg da Cartagene, fuvan farglius da sogn Isidor. Per scolast ha Isidor giu siu frar Leander che veva bien quitau dad el. Bein prest eis el lu vegnius unfis da studegiar tier siu frar. Manegiond ch’el vessi buca la capacitad per emprender tut quei che siu frar leva mussar, eis el fugius. Sin la fuigia ha el sper ina fontauna enderschiu d’ina dunna daco che quei crap e quei lenn vid la fontauna seigien aschi issai giu, numnadamein il crap dalla stella ed il lenn dalla suga. Quei exempel ha schau capir il giuven Isidor ch’era el cun agid da Diu, sappi tec a tec tschaffar ed emprender las caussas. Lu tuorna sogn Isidor puspei anavos e sesuttametta a siu frar Leander. En cuort eis el daventaus schi perderts ch’ils pli studegiai docturs sesmarvigliavan. Baul ha el entschiet a scriver ses bials cudischs e confunder ils inimitgs dalla sontga Baselgia. Pliras gadas eis el staus en prighel da veta, perquei ch‘ils herets pudevan buca star ora sias raschuns. Suenter la mort da siu frar Leander ei Isidor vegnius eligius per azuestg da Sevigla. Sogn Papa Gregori il grond ha lu nominau el vicari e superiur dils uestgs dalla Spagna. Cun sias vertits, cun sia sabientscha e prudientscha ha el teniu la sinoda digl onn 619 e dismess tuttas heresias e reformau il clerus. Lu ha el defendiu la libertad ecclesiastica, promoviu la devoziun ed il survetsch divin e baghegiau pliras claustras e collegis. A Toledo ha sogn Isidor teniu il presidium dalla renomada sinoda digl onn 633. Turnaus puspei a Sevigla vegn sogn Isidor malsauns. El profetisescha si’ura dalla mort e che la Spagna vegni a vegnir devastada suenter sia mort dils Saracens. Per saver prender cumiau da mintgin, ha el schau purtar el en baselgia. Leu fa el ditg oraziun, retscheiva ils sogns Sacraments e serecamonda allas oraziuns dil grond pievel radunau. Lu roga el tuts per perdun pil schliet exempel ch’el vessi dau, admonescha tuts da viver en fraterna carezia, dat a tuts la pasch e lai puspei purtar el en sia combra. Leu viva el aunc quater dis en oraziun, sefa lu si e va per la davosa ga en baselgia sin scantschala. Avon in grond pievel tegn el in priedi fetg spiritual, dat il pietigot, la sontga benedicziun e lu culs mauns encunter tschiel, renda sogn Isidor sia benedida olma al divin Scaffider. Daventau ei quei igl onn 636, suenter haver regiu la Baselgia duront 40 onns. Cun gronda fesivitad ei il tgierp vegnius satraus denter siu frar Leander e sia sora Florenzia. Leu ha Diu gloificau siu survient cun biaras miraclas per perdetga da sia sontgadad.
pdf: cheu l’entira historia
Ils 4 d’avrel: Sogn Isidor, uestg e confessur
Sogn Isidor ei staus ina gronda glisch per l’entira Spagna. El fuva naschius ord nobla e pietusa famiglia entuorn igl onn 560 a Cartagena. Sogn Leander, arzuestg da Sevigla e sogn Fulgenz, uestg da Cartagene, fuvan farglius da sogn Isidor. Per scolast ha Isidor giu siu frar Leander che veva bien quitau dad el. Bein prest eis el lu vegnius unfis da studegiar tier siu frar. Manegiond ch’el vessi buca la capacitad per emprender tut quei che siu frar leva mussar, eis el fugius. Sin la fuigia ha el sper ina fontauna enderschiu d’ina dunna daco che quei crap e quei lenn vid la fontauna seigien aschi issai giu, numnadamein il crap dalla stella ed il lenn dalla suga. Quei exempel ha schau capir il giuven Isidor ch’era el cun agid da Diu, sappi tec a tec tschaffar ed emprender las caussas. Lu tuorna sogn Isidor puspei anavos e sesuttametta a siu frar Leander. En cuort eis el daventaus schi perderts ch’ils pli studegiai docturs sesmarvigliavan. Baul ha el entschiet a scriver ses bials cudischs e confunder ils inimitgs dalla sontga Baselgia. Pliras gadas eis el staus en prighel da veta, perquei ch‘ils herets pudevan buca star ora sias raschuns. Suenter la mort da siu frar Leander ei Isidor vegnius eligius per azuestg da Sevigla. Sogn Papa Gregori il grond ha lu nominau el vicari e superiur dils uestgs dalla Spagna. Cun sias vertits, cun sia sabientscha e prudientscha ha el teniu la sinoda digl onn 619 e dismess tuttas heresias e reformau il clerus. Lu ha el defendiu la libertad ecclesiastica, promoviu la devoziun ed il survetsch divin e baghegiau pliras claustras e collegis. A Toledo ha sogn Isidor teniu il presidium dalla renomada sinoda digl onn 633. Turnaus puspei a Sevigla vegn sogn Isidor malsauns. El profetisescha si’ura dalla mort e che la Spagna vegni a vegnir devastada suenter sia mort dils Saracens. Per saver prender cumiau da mintgin, ha el schau purtar el en baselgia. Leu fa el ditg oraziun, retscheiva ils sogns Sacraments e serecamonda allas oraziuns dil grond pievel radunau. Lu roga el tuts per perdun pil schliet exempel ch’el vessi dau, admonescha tuts da viver en fraterna carezia, dat a tuts la pasch e lai puspei purtar el en sia combra. Leu viva el aunc quater dis en oraziun, sefa lu si e va per la davosa ga en baselgia sin scantschala. Avon in grond pievel tegn el in priedi fetg spiritual, dat il pietigot, la sontga benedicziun e lu culs mauns encunter tschiel, renda sogn Isidor sia benedida olma al divin Scaffider. Daventau ei quei igl onn 636, suenter haver regiu la Baselgia duront 40 onns. Cun gronda fesivitad ei il tgierp vegnius satraus denter siu frar Leander e sia sora Florenzia. Leu ha Diu gloificau siu survient cun biaras miraclas per perdetga da sia sontgadad.