Sogn Eleuteri, uestg e marter cun sia mumma Antea. pdf: cheu l’entira historia Ils 8 d’avrel: Sogn Eleuteri, uestg e marter cun sia mumma Antea Sogn Eleuteri ei naschius a Ruma. Sia mumma era ina …Daplü
Sogn Eleuteri, uestg e marter cun sia mumma Antea.
pdf: cheu l’entira historia
Ils 8 d’avrel: Sogn Eleuteri, uestg e marter cun sia mumma Antea
Sogn Eleuteri ei naschius a Ruma. Sia mumma era ina convertita entras ils apostels sogn Pieder e sogn Paul. Cuort suenter la naschientscha dil sogn eis ella daventada vieua ed ei ha tuccau d‘educar persula siu affon. Eleuteri ch‘era da natira mudests e devozius ei cun gia 18 onns vegnius ordinaus per in virtuus e plascheivel spiritual da Diu.
Sias vertids fuvan schi tarlischontas ch’el ei cun 20 onns vegnius consecraus uestg da Hecan en Apulia. Igl imperatur Hadrian a Ruma ha survegniu las novas novas che quei uestg da Hecan fetschi bia bunas ovras e converti ils pagauns tier la cardientscha cristiana. El seigi in grond inimitg dils dieus jasters e renvieschi ils decrets dils imperaturs. Hadrian vegn vilaus e tarmetta il officier Felici cun aunc 200 schuldaus en Apulia per schar pigliar e menar quei uestg a Ruma. Gest da quellas uras ch’il sogn fageva priedi, arrivava Felici cun sia armada. El peglia gronda tema dils plaids dil sogn e sefiera giun plaun enschanuglias schend: O fideivel survient da Diu, dai po a mi tonta glisch che jeu sappi era crer en quei Diu che ti confessas schi ferventamein. Sogn Eleuteri tut consolaus va ussa cun Felici ch’ei seconvertius a Ruma. Sin quei viadi ha el priu la caschun da declarar bein ils misteris dalla religiun cristiana e ha era battegiau igl officier Felici. Lu ei lez ius tier ses schuldaus e convertiu quels tier Jesus Cristus. Vegnend Eleuteri a Ruma, camonda igl imperatur ad el da far in sacrifeci a lur dieus. Vulend il sogn far neginas unfrendas als dieus jasters, lai igl imperatur ligiar il sogn nius sin in letg da fier cun fiug suten. Mo il survient da Diu schischeva sin quei letg senza sentir dolurs. Lu han ins priu giu el sauns e senza macla. El aulza ses mauns e la vusch encunter tschiel, schend: Tedlei vus nobels Romans: veramein gronds e tutpussents ei sulettamein quei Diu ch’ei vegnius perdegaus a nus dils apostels Pieder e Paul. Tras semeglionts plaids vegn igl imperatur offendius, ravgiaus e fa per la secunda gada metter il sogn sil rost. Era quella gada po il fiug buca far donn ad el. Coribon, in ufficial digl imperatur, ha lu detg al sogn: Ti has las letgas: u che ti aduras cun nus nos dieus ni che ti vegns fiers en in fuorn. Eleuteri rispunda: Ti has in retg che ha mess tei prefect dil marcau, jeu denton hai in retg che ha tscherniu ora mei per uestg. Tgeinin da quels dus retgs vegnan ussa a purtar victoria, quel che ti ni quel che jeu adurel? Vesend Coribon il sogn el fiug fagiend oraziun e senza pitir donn, di el agl imperatur: Ussa stuein nus veramein crer che quel seigi in ver Diu che schurmegia schi marvigliusamein ses survients ed jeu vi ussa era esser in cristian e buca pli in pagaun.
Immediat lai igl imperatur prender igl uestg ord il fiug e better Coribon el fuorn. Muort l’oraziun da sogn Eleuteri ha era Coribon buca pitiu donn. Aschia eis el vegnius sauns ord il fiug e sin quei han ils hentgers scavazzau el. Sogn …
pdf: cheu l’entira historia
Ils 8 d’avrel: Sogn Eleuteri, uestg e marter cun sia mumma Antea
Sogn Eleuteri ei naschius a Ruma. Sia mumma era ina convertita entras ils apostels sogn Pieder e sogn Paul. Cuort suenter la naschientscha dil sogn eis ella daventada vieua ed ei ha tuccau d‘educar persula siu affon. Eleuteri ch‘era da natira mudests e devozius ei cun gia 18 onns vegnius ordinaus per in virtuus e plascheivel spiritual da Diu.
Sias vertids fuvan schi tarlischontas ch’el ei cun 20 onns vegnius consecraus uestg da Hecan en Apulia. Igl imperatur Hadrian a Ruma ha survegniu las novas novas che quei uestg da Hecan fetschi bia bunas ovras e converti ils pagauns tier la cardientscha cristiana. El seigi in grond inimitg dils dieus jasters e renvieschi ils decrets dils imperaturs. Hadrian vegn vilaus e tarmetta il officier Felici cun aunc 200 schuldaus en Apulia per schar pigliar e menar quei uestg a Ruma. Gest da quellas uras ch’il sogn fageva priedi, arrivava Felici cun sia armada. El peglia gronda tema dils plaids dil sogn e sefiera giun plaun enschanuglias schend: O fideivel survient da Diu, dai po a mi tonta glisch che jeu sappi era crer en quei Diu che ti confessas schi ferventamein. Sogn Eleuteri tut consolaus va ussa cun Felici ch’ei seconvertius a Ruma. Sin quei viadi ha el priu la caschun da declarar bein ils misteris dalla religiun cristiana e ha era battegiau igl officier Felici. Lu ei lez ius tier ses schuldaus e convertiu quels tier Jesus Cristus. Vegnend Eleuteri a Ruma, camonda igl imperatur ad el da far in sacrifeci a lur dieus. Vulend il sogn far neginas unfrendas als dieus jasters, lai igl imperatur ligiar il sogn nius sin in letg da fier cun fiug suten. Mo il survient da Diu schischeva sin quei letg senza sentir dolurs. Lu han ins priu giu el sauns e senza macla. El aulza ses mauns e la vusch encunter tschiel, schend: Tedlei vus nobels Romans: veramein gronds e tutpussents ei sulettamein quei Diu ch’ei vegnius perdegaus a nus dils apostels Pieder e Paul. Tras semeglionts plaids vegn igl imperatur offendius, ravgiaus e fa per la secunda gada metter il sogn sil rost. Era quella gada po il fiug buca far donn ad el. Coribon, in ufficial digl imperatur, ha lu detg al sogn: Ti has las letgas: u che ti aduras cun nus nos dieus ni che ti vegns fiers en in fuorn. Eleuteri rispunda: Ti has in retg che ha mess tei prefect dil marcau, jeu denton hai in retg che ha tscherniu ora mei per uestg. Tgeinin da quels dus retgs vegnan ussa a purtar victoria, quel che ti ni quel che jeu adurel? Vesend Coribon il sogn el fiug fagiend oraziun e senza pitir donn, di el agl imperatur: Ussa stuein nus veramein crer che quel seigi in ver Diu che schurmegia schi marvigliusamein ses survients ed jeu vi ussa era esser in cristian e buca pli in pagaun.
Immediat lai igl imperatur prender igl uestg ord il fiug e better Coribon el fuorn. Muort l’oraziun da sogn Eleuteri ha era Coribon buca pitiu donn. Aschia eis el vegnius sauns ord il fiug e sin quei han ils hentgers scavazzau el. Sogn …
